Էլեկտրոնեյրոմիոգրաֆիա ԷՆՄԳ. nairimed.com

Էլեկտրոնեյրոմիոգրաֆիան (ENMG) նյարդերի, նյարդամկանային հաղորդականոսւթյան և մկանների լիարժեք ֆունկցիանալ աշխատանքի ուսումնասիրման մեթոդ է, որը լայնորեն կիրառվում է բժշկական պրակտիկայում՝ տարբեր հիվանդությունների ախտորոշման և նյարդամկանային համակարգի վիճակը գնահատելու համար։ Այս մեթոդը բժիշկներին անհրաժեշտ տեղեկություններ է տրամադրում պերիֆերիկ նյարդային համակարգի, նյարդամկանային հաղորդականության, մկանաթելիկների ակտիվության, լիարժեքության  ֆունկցիանալ աշխատանքի մասին՝ թույլ տալով նրանց ճշգրիտ ախտորոշել և արդյունավետ բուժել մի շարք նյարդամկանային պաթոլոգիաներ:

Մեթոդի սկզբունքը

ENMG-ն կատարվում է 2 մեթոդով,  ստիմուլյացիոն՝ հիմնված է նյարդերի էլեկտրական ակտիվության և հաղորդականության գրանցման  վրա՝ օգտագործելով էլեկտրոդներ և ստիմուլյատոր և ասեղային՝ երբ հատուկ ասեղային էլեկտրոդներով գնահատում ենք մկանի/ շարժողական միավորի ֆունկցիոնալ աշխատանքը:

Հետազոտության ընթացքը

Էլեկտրոդների տեղադրում. Էլեկտրոդները տեղադրվում են մաշկի վրա՝ մաշկային էլեկտրոդների կամ մկանների մեջ՝ օգտագործելով նուրբ ասեղային էլեկտրոդներ:

Ազդանշանի գրանցում. ENMG-ի ժամանակ մկանների և նյարդերի էլեկտրական ակտիվության գրանցում:

Արդյունքների վերլուծություն. Ստացված տվյալները վերլուծվում են բժշկի կողմից, ով գնահատում է  նյարդերի, նյարդամկանային հաղորդականության և շարժողական միավորների կորագծերը, բացահայտելով նորմայից շեղումները:

Նյարդամկանային հիվանդությունների ախտորոշում. ԷՆՄԳ-ն օգնում է բացահայտել և գնահատել այնպիսի պաթոլոգիաներ, ինչպիսիք են՝    

• նեյրոպաթիաները/պոլինեյրոպաթիաները,
• թունելային համախտանիշները,
• Միասթենիա Գրավիս/Միասթենիկ համախտանիշ:
• Կողմնային ամիոտրոֆիկ սկլերոզ:
• Ռադիկուլոպաթիաներ:
• Միոպաթիաներ:
• Միոզիտներ:
• Միոտոնիաներ:
• Միոդիստրոֆիաներ:
• Նյարդերի տրավմատիկ ախտահարում:
• Նյարդերի բորբոքային ախտահարում և մի շարք այլ նյարդամկանային հիվանդություններ:

Եթե Ձեզ ցուցված է Էլեկտրոնեյրոմիոգրֆիա, ապա կարող եք զանգահարել 8900 հեռախոսահամարին կամ  այցելել Պարոնյան 21,  «Նաիրի» բժշկական կենտրոն:

Հարցեր, պատասխաններ, մեկնաբանություններ